vestnik.korkyt.kz
ҚАЗАҚСТАНДЫҚ ЖӘНЕ ШЕТЕЛДІК ЗЕРТТЕУШІЛЕРДІҢ ҒЫЛЫМИ ЖҰМЫСТАРЫНЫҢ НЕГІЗГІ НӘТИЖЕЛЕРІН ЖАРИЯЛАУҒА ҰСЫНАТЫН ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ АҚПАРАТТЫҚ РЕСУРСЫ
2011-2023 ЖЫЛДАР АРАСЫНДАҒЫ ЖАРИЯЛЫМДАР
ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІ 1999 ЖЫЛДАН БЕРІ «АУЫЛ ШАРУАШЫЛЫҒЫ ҒЫЛЫМДАРЫ», «ЖАРАТЫЛЫСТАНУ, ТЕХНИКАЛЫҚ ҒЫЛЫМДАР», «БІЛІМ, ГУМАНИТАРЛЫҚ ЖӘНЕ ӘЛЕУМЕТТІК ҒЫЛЫМДАР» СЕРИЯЛАРЫ БОЙЫНША ХАБАРШЫ ЖУРНАЛЫН ШЫҒАРЫП КЕЛЕДІ
«Қорқыт Ата атындағы Қызылорда университетінің Хабаршысы» жылына 4 рет басылып шығады және отандық, шетелдік ғалымдардың ғылыми жұмыстары мен ғылыми конференция материалдары, ғылыми-әдістемелік мақалалар, жастардың ғылыми шығармашылығы туралы ақпараттан тұрады.
Журнал 1999 жылдан бері жарық көреді.
ISSN 1607-2782 (баспа)
Журналдың DOI индексі DOI: 10.52081
Журнал 1998 жылы 29-қазанда ҚР Ақпарат және қоғаммен келісім Министрлігінде 450-Ж бұқараттық ақпарат құралын есепке алу куәлігі бойынша тіркеуде тұр.
Қазақстан Республикасы Ақпарат және қоғамдық даму министрлігі Ақпарат комитетінде «Мерзімді баспасөз басылымын, ақпарат агенттігін және желілік басылымды қайта есепке қою туралы» № KZ75VPY00039225 номерлі куәлігі бойынша 2021 жылы 25-тамызда қайта тіркелді.
Журналдың жазылу индексі 76077
«Қорқыт Ата атындағы Қызылорда университетінің Хабаршысы» журналының редакциялық саясатының міндеттері: ғылыми зерттеулердің сапасын арттыруға, ғылымның озық жетістіктерін енгізу үшін ғылыми әлеуетті анықтауға ықпал ету; ғалымдар мен жас зерттеушілерге өз зерттеулерінің нәтижелерін жариялауға мүмкіндік беру; өзара іс-қимылды қамтамасыз ету, жетекші отандық және шетелдік ғалымдарды жарияланымдарға тарту, зерттеушілер арасында пікір алмасуды жолға қою. «Қорқыт Ата атындағы Қызылорда университетінің Хабаршысы» журналының редакциялық саясаты Қазақстан Республикасы Білім және ғылым министрлігінің 2016 жылғы 12 қаңтардағы №20 бұйрығымен бекітілген ғылыми басылымдарға қойылатын талаптарға негізделеді (05.05.2020 ж. өзгерістермен).
«Қорқыт Ата атындағы Қызылорда университетіні Хабаршысы» журналында мақала жариялау үшін автор қолжазбаның, авторлар туралы ақпараттың электронды нұсқасын және Қорқыт Ата университеті ғылыми еңбектерді сараптау комиссиясы берген хаттаманы Мақала жіберудің онлайн жүйесін пайдаланады (vestnik.korkyt.kz сайтындағы мақала жіберудің онлайн жүйесі парақшасы). Жарияланым тілдері – қазақша, орысша, ағылшынша.
Қорқыт Ата атындағы Қызылорда университеті Хабаршысына жіберілетін мақалаларды рәсімдеуге арналған нұсқаулықты (талаптарды) Қосымшадан көре аласыздар.
«Қорқыт Ата атындағы Қызылорда университеті Хабаршысы» журналындағы жарияланымдар этикасына қойылатын талаптар
Журналда жариялауға материалдарды дайындау процесіне қатысатын барлық тараптар: авторлар, рецензенттер, редакциялық алқа мүшелері Жарияланымдар этикасына қойылатын арнайы талаптарды ұстануы керек (қосымшада берілген).
Журналдың редакция алқасы редакциялау жұмысында беделді халықаралық журналдардың мақалаларды сараптау жөніндегі озық тәжіриблерін ескереді. Ғылыми жарияланымның сапасын арттыруда мақала жариялауда плагиатты пайдалану, нақты емес деректерді пайдалану, негізсіз мәліметтерді келтіру және т.б. келеңсіз жағдайларды болдыртпау немесе алдын алу жөнінде редакция алқасы жұмыс жасайды. Редакция алқасы, сонымен қатар баспа жұмысына қатысатын тұлғалар халықаралық қоғамдастықпен қабылданған этика ережелері мен стандарттарын сақтауы тиіс және осындай әрекеттердің алдын алу үшін барлық орынды іс-шараларды пайдалануы қажет. Редакция алқалары еш уақытта заңнан тыс әрекеттерді (плагиат, манипуляция, бұрмалау) қолдамайтын болады және барлық күшін салып, осындай әрекеттердің алдын алуға тырысады.
«Қорқыт Ата атындағы Қызылорда университетінің Хабаршысы» журналының редакциясына келіп түскен ғылыми мақалаларды онлайн-рецензиялау тәртібі
«Қорқыт Ата атындағы Қызылорда университетінің Хабаршысы» журналына жариялау үшін ғылыми мақалалардың қолжазбаларын онлайн-рецензиялау (сараптамалық бағалау) басылымның жоғары ғылыми-теориялық деңгейін қолдау және аса құнды және өзекті (перспективалы) ғылыми жұмыстарды іріктеу мақсатында жүзеге асырылады.
Онлйн-рецензиялау (сараптамалық бағалау) «Ауыл шаруашылығы ғылымдары», «Жаратылыстану және техникалық» және «Білім, гуманитарлық және әлеуметтік ғылымдар» серияларының жауапты редакторларының, журналдың кезекті нөмірін шығаруға жауапты редактордың нұсқауы бойынша жүзеге асырылады.
ОНЛАЙН ЖҮЙЕДЕ МАҚАЛА ЖІБЕРУ РЕТІ МЕН ТАЛАПТАРЫ
Мақала жіберу үшін автор(лар) арнайы өрісті толтыруы қажет (Осы мәтіннің оң жағында көрсетілген).
Жалпы, Қорқыт ата атындағы Қызылорда университеті Хабаршысына мақала жіберу үшін, авторлар осы сайтта берілген мәліметтер мен нұсқаулықтардың барлығымен (Авторлар үшін, Жарияланым этикасы, Рецензиялау тәртібі, Редакция алқасы, Ғылымдар сериясы, Құпиялылық саясаты және т.б.) толық танысулары қажет. Арнайы өрісті дұрыс және толық толтырып, «Жіберу» батырмасын басып, онлайн жүйеде мақала жібергеннен кейін экранның төменгі жағында автор(лар) үшін «Хатыңыз қабылданды», «Қаралуда» деген хабарлама шығуы керек. Жіберген мақалаңыз жайлы ақпарат 10-15 жұмыс күнінен соң электронды мекен-жайыңызға хабарлама ретінде барады. Белгіленген уақытта автор(лар) өздерінің ғылыми жұмысының жарияланымға қабылданғаны (талаптарға толық сәйкес келген) немесе қабылданбағаны (толықтырулар мен түзетулер жасау керектегі жөнінде), сондай-ақ рецензенттердің пікірі жайлы мәліметті біле алады.
АҚПАРАТ
